هلا محمد....

هذا مرة تنين شباب راحو على السينيما المهم بعد ما بلش الفلم بشوي لف الشب على صاحبو قلو تتحداني اقوم افقع الزلمة القدامي كف و ما يعملي اشي قلو صاحبو بتحداك ,والله و قام و فقع الزلمة كف لف عليه الزلمة راح الشب قلوا ولك محمد يا زلمة شو اخبارك زمان عنك قلوا الزلمة انا مش محمد يا محترم تاسفلوا الشب و قعد

بعد خمس دقايق رجع الشب قال لصاحبو تتحداني اقوم افقع نفس الزلمة كف مرة ثانية و ما يعملي اشي قلو صاحبو بتحداك والله قام الشب و قد ما الله اعطاه فقع الزلمة كف قام الزلمة بدو يدعس على وجهو فقالو الشب يا محمد بتتخوت علي يا زلمة ولك اشتقتلك المهم الزلمة فقعت معو قلو ولك انا مش محمد يا بني ادم ولك ما بتفهم و قال خليني اختصر الشر و و اغير محلي المهم نزل الزلمة و قعد اول صف

بعد خمس دقايق رجع الشب لف على صاحبو و قلو تتحداني الحق الزلمة تحت و ارجع افقعو كمان كف قالو صاحبو بتحداك والله نزل الشب طيار و على سرعتو فقع الزلمة كف و قلو ولك محمد انت قاعد هون و انا نازل بضرب بالمسكين الي فوق كفوف